Azərbaycan, Bakı, 5 sentyabr /Trend/
Azərbaycan xarici işlər nazirinin müavini Mahmud Məmmədquliyev bazar ertəsi Avropa İttifaqının Cənubi Qafqaz üzrə xüsusi nümayəndəsi Filip Lefortla görüşüb. Trend-in məlumatına görə, bu barədə XİN-in mətbuat xidmətinin yaydığı məlumatda bildirilir.
Görüşdə Ermənistan-Azərbaycan, Dağlıq Qarabağ münaqişəsinin həlli yolları və Avropa İttifaqının münaqişənin həllinə verə biləcəyi töhfə barədə fikir mübadiləsi aparılıb.
Filip Lefort, eyni zamanda, Dağlıq Qarabağın azərbaycanlı icmasının üzvləri ilə də görüş keçirib.