AŞPA həmməruzəçilərinin Azərbaycana növbəti səfərinin tarixi təsdiqlənib
Azərbaycan, Bakı, 14 mart / Trend müxbir M.Əliyev/
Avropa Şurası Parlament Assambleyasının Azərbaycan üzrə həmməruzəçiləri Pedro Aqramunt (İspaniya) və Cozef Debano Qrex (Malta) bu ilin iyun ayında Bakıya səfər edəcəklər. Bu barədə Trend-ə çərşənbə günü Azərbaycanın AŞPA-dakı nümayəndə heyətinin rəhbəri Səməd Seyidov məlumat verib.
Onun sözlərinə görə, Azərbaycan üzrə məruzənin hazırlanması məqsədi ilə baş tutacaq səfərin iyunun 10-15 arası gercəkləşəcəyi planlaşdırılır.
Seyidov bildirib ki, məruzənin AŞPA-nın 2013-cü il yanvar sessiyasında ümumi şəkildə təqdim olunması gözlənilir.
"Hazırda məruzənin hazırlanması prosesi davam edir. Bu, uzun prosesdir", - o deyib.
Məruzənin hazırlanması üçün həmməruzəçilərin Azərbaycana birinci səfəri bu il yanvarın 31-dən fevralın 2-dək baş tutub.
