Azərbaycan, Bakı, 27 fevral /Trend/
İranın nüvə proqramı üzrə "altılıq" ölkələrindən ibarət beynəlxalq vasitəçilər Almatıda görüşün yekunu üzrə İran nümayəndələri ilə martın ortalarında İstanbulda ekspertlər səviyyəsində görüş keçirməyə dair razılığa gəliblər.
Trend-in çərşənbə günü RİA Novosti-yə istinadən verdiyi məlumata görə, bu barədə Rusiya xarici işlər nazirinin müavini Sergey Ryabkov deyib.
"İkigünlük danışıqların yekunu üzrə martın 17-18-də İstanbulda ekspertlər səviyyəsində görüşün keçirilməsi barədə razılıq əldə olunub. Yəni bu, siyasi rəhbərlər deyil, məhz ekspertlər səviyyəsində görüş olacaq", - o qeyd edib.