Azərbaycan, Bakı, 15 may /Trend/
Rusiyanın XİN rəhbəri Sergey Lavrov ABŞ dövlət katibi Con Kerri ilə ABŞ səfirliyinin əməkdaşının həbsi məsələsini müzakirə etməyib. Trend-in RİA Novostiyə istinadən verdiyi xəbərdə deyilir ki, iki ölkənin xarici siyasət idarəsinin rəhbərləri İsveçdə keçirdiyi görüşdə sözügedən məsələyə toxunmayıblar.
"Bu mövzuda bizim müzakirəmiz olmayıb. Con Kerri bu məsələyə toxunmayıb. Mən də qərara aldım ki, bununla bağlı danışmayım. Çünki hər şey hər kəsə aydındır" - deyə Lavrov jurnalistlərə müsahibəsində bildirib.