Azərbaycan, Bakı, 12 fevral /Trend, müxbir S.Əhmədova/
Avropa İttifaqı Şurası Aİ və Azərbaycan arasında yaşamaq üçün icazəsi olmayan şəxslərin readmisiyası üzrə sazişin imzalanmasına dair qərar qəbul edib.
Trend-in Aİ-nin saytına istinadən verdiyi məlumata görə, bu qərar Şuranın fevralın 11-də Brüsseldə keçirilən iclasında qəbul edilib.
Qeyd edək ki, Azərbaycan və Avropa İttifaqı viza rejiminin sadələşdirilməsi haqqında saziş imzalayıblar.
Xatırladaq ki, sözügedən sənəd Azərbaycanla Aİ arasında readmissiya haqqında saziş imzalandıqdan sonra qüvvəyə minəcək.