Azərbaycan, Bakı, 1 dekabr /Trend, müxbir Rufiz Hafizoğlu/
Roma Papası Fransisk yaxın vaxtda Türkiyə-Ermənistan sərhədlərinin açılacağına ümid edir. Bu barədə bazar ertəsi Trend "Anadolu" agentliyinə istinadən məlumat verir.
Din xadiminin sözlərinə görə, o, Türkiyə ilə Ermənistan arasında münasibətlərin yaxşılaşması üçün dua edir.
Papa Fransisk, həmçinin qeyd edib ki, sabiq baş nazir, hazırkı Prezident Rəcəb Tayyib Ərdoğanın ötən il aprelin 24-də ermənilərə göndərdiyi məktub xüsusi məna daşıyır və Türkiyə tərəfdən münasibətlərin normallaşmasına doğru atılan ciddi addım kimi qiymətləndirilməlidir.