...

Silahlı Qüvvələrinə Yardım Fondunun vəsaiti nə qədər artıb?

Siyasət Materials 2 Mart 2015 13:46 (UTC +04:00)
Ötən bir ay ərzində Azərbaycan Silahlı Qüvvələrinə Yardım Fonduna toplanan vəsaitin həcmi 748 155 manat artıb.
Silahlı Qüvvələrinə Yardım Fondunun vəsaiti nə qədər artıb?

Azərbaycan, Bakı, 2 mart /Trend, müxbir İlkin İzzət/

Ötən bir ay ərzində Azərbaycan Silahlı Qüvvələrinə Yardım Fonduna toplanan vəsaitin həcmi 748 155 manat artıb.

Trend Müdafiə Nazirliyinin rəsmi saytına istinadən xəbər verir ki, 1 mart 2015-ci il tarixinə Fondun manat hesabındakı vəsait 61 653 116 manat, ABŞ valyutası ilə hesabındakı vəsait 211 791 dollar, Avro hesabındakı vəsait 593 Avro təşkil edib.

Fondun ABŞ dolları, Avro və Rus rublu ilə hesablarına son bir ildə vəsait daxil olmayıb.

Qeyd edək ki, bu il fevralın 1-nə olan məlumata görə, Silahlı Qüvvələrə Yardım Fondunun Azərbaycan manatı hesabındakı vəsait 60 904 961 manat, ABŞ dolları hesabındakı vəsait 211 791 dollar, avro hesabındakı vəsait isə 593 avro təşkil edib.

Xatırladaq ki, Silahlı Qüvvələrə Yardım Fondu Azərbaycan Prezidentinin 17 avqust 2002-ci il tarixli sərəncamı ilə yaradılıb. Sərəncama əsasən, Silahlı Qüvvələrə Yardım Fondu respublika ərazisində fəaliyyət göstərən fiziki və hüquqi şəxslərdən könüllü olaraq daxil olan vəsait və qanunvericiliklə qadağan olunmamış digər daxilolmalar hesabına formalaşır.

Məqalədə:
Xəbər lenti

Xəbər lenti