Bakı. Elçin Mehdiyev – Trend:
Azərbaycanda fevralın 9-na təyin edilmş növbədənkənar parlament seçkilərində namizədlərə sosial şəbəkələrlə bağlı dəfələrlə müraciət etmişik.
Trend-in məlumatına görə, bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.
M.Pənahov bildirib ki, namizədlər sosial şəbəkələrdə təşviqat zamanı Seçki Məcəlləsinin tələbinə uyğun hərəkət etməlidir: “Bunları sizin xoşunuza gəlməkdən ötrü demirəm. Bunu namizədlər üçün səsləndirirəm. Namizədlər sosial şəbəkələrdən istifadə zamanı Seçki Məcəlləsinin tələblərinə uyğun davransınlar və onlara əməl edilsin”.