Bakı. Elçin Mehdiyev – Trend:
Azərbaycan tərəfinin mövqeyi dəyişməzdir. Biz post-münaqişə dövründə beynəlxalq qanunlar əsasında sivil qaydada Ermənistanla münasibətlərin normallaşmasının tərəfdarıyıq.
Trend-in məlumatına görə, bunu xarici işlər naziri Ceyhun Bayramov xarici işlər naziri Azərbaycanda səfərdə olan Qətərin xarici işlər naziri Şeyx Məhəmməd bin Əbdülrəhman Al-Tani ilə birgə mətbuat konfransında deyib.
Nazir bildirib ki, eyni zamanda ölkələr arasında beynəlxalq səviyyədə tanınmış sərhədlərin delimitasiyası və demarkasiyası prosesi nə qədər tez başlanılsa, bir o qədər yaxşıdır.
C.Bayramov qeyd edib ki, Ermənistan bu istiqamətdə hər hansı bir müsbət addım atacaqsa, Azərbaycan ona qarşılıq addım atacaq.