...

Vahid Kirişci Şəhidlər xiyabanını və Bakı Türk şəhidliyini ziyarət edib (FOTO)

Siyasət Materials 19 May 2022 16:17
Vahid Kirişci Şəhidlər xiyabanını və Bakı Türk şəhidliyini ziyarət edib (FOTO)

Trend-i buradan izləyin

Fərid Zöhrabov
Fərid Zöhrabov
Bütün xəbərlər

Bakı. Trend:

Bu gün Türkiyənin Kənd Təsərrüfatı və Meşəçilik naziri Vahid Kirişci Bakıda yerləşən Şəhidlər Xiyabanını və Türk Şəhidliyini ziyarət edib.

Trend xəbər verir ki, Vahid Kirişcini Azərbaycanın kənd təsərrüfatı naziri İnam Kərimov, türk rəsmiləri, həmçinin Türkiyənin Azərbaycandakı səfiri Cahit Bağcı və səfirliyin nümayəndələri müşayiət edib.

Ziyarət zamanı çıxış edən Türkiyənin Kənd Təsərrüfatı və Meşəçilik naziri Vahid Kirişci bildirib ki, Azərbaycanın azadlığı uğrunda mücadilə edən bütün şəhidləri hörmətlə anırlar:

"Sizlərin qəhrəmanlıqları illər sonra 44 günlük Vətən Müharibəsi ilə torpaqlarını işğaldan qurtaran Azərbaycan əsgərlərinə ruh, əzm və güc verdi.

Bu gün adlarınızı Bakının qiymətli məkanında bir daha sayğı və hörmətlə anırıq.

"Azərbaycan" ın sevinci sevincimiz, kədəri kədərimizdir" və "bir millət, iki dövlət" şüarları ilə vücud olan Türkiyə-Azərbaycan qardaşlığı əlbəttə, var olmağa davam edəcək. Azərbaycanın dörd bir yanında yatan şəhidlərimizlə birlikdə, bu qardaş torpaqda rahat uyuyun".

Məqalədə:
Xəbər lenti

Xəbər lenti