Bakı. Trend:
Norveç və Azərbaycan Avropanın Rusiya neftindən asılılığını azaltmaq cəhdində ümid etdiyi iki ölkədir.
Trend-in məlumatına görə, bunu Çexiyanın baş naziri Petr Fiala Aİ-27 qeyri-rəsmi sammitinin və Avropa Siyasi Birliyi çərçivəsində keçirilən görüşün yekunlarına dair mətbuat konfransında deyib.
P.Fialanın sözlərinə görə, Avropa Siyasi Birliyi çərçivəsində keçirilən görüşlərdə Avropanın enerji təhlükəsizliyi məsələləri müzakirə olunub.
O qeyd edib ki, Avropa ölkələri Rusiyadan enerji təchizatından asılılığı azaltmaq üçün addımlar atarkən, Norveç və Azərbaycan Avropanın ümid etdiyi iki ölkədir.
“Bu ölkələr bu mənada çox önəmlidir”, - deyə Çexiyanın baş naziri bildirib.