İslam Təşkilatı Konfransına (İTK) üzv olan 57 ölkə bu günlərdə Yəmənin paytaxtı Sanala keçirilən İTK XİN rəhbərlərinin növbəti 32-ci konfransında 3 qətnamə qəbul etməklə Azərbaycanın mövqeyini dəstəkləyiblər. Trend agentliyinin məlumatına görə, bu barədə Azərbaycanın XİN-nin II ərazi idarəsinin rəisi Azər Hüseyn iyulun 5-də keçirilən brifinqdə bildirib.
Azərbaycanın bu ölkənin xarici işlər naziri Elmar Məmmədyarov tərəfindən təmsil olunduğu bu konfransda qəbul edilmiş və Ermənistan hərəkətləri təcavüzkar ölkə kimi kəskin tənqid olunmuş bu qətnamələrdə islam ölkələrinin Ermənistan tərəfindən işğal olunmuş ərazilərdə Azərbaycanın mədəni irsinin məhv edilməsi məsələsinə münasibət bildirilib.
A.Hüseyninn fikrincə, islam ölkələrinin dəstəyinin Azərbaycan üçün böyük əhəmiyyəti var. "Dağlıq Qarabağ probleminin özünün belə nüfuzlu strukturdan səslənməsi Azərbaycan üçün mühüm dəstəkdir",- deyə Azərbaycanın XİN-nin nümayəndəsi bəyan edib.
A.Hüseyninn sözlərinə görə, E.Məmmədyarov növbəti konfransın Bakıda keçirilməsi barədə təkliflə çıxış edib. Konfransın qərarı ilə İKT ölkələrinin XİN rəhbərlərinin və turizm nazirlərinin növbəti toplantısı 2006-cı ildə Azərbaycanda keçiriləcək.
Konfrans çərçivəsində Azərbaycanın xarici işlər naziri İran, Pakistan, Türkiyə, Rusiya, Fələstin və dirəg ölkələrdən olan həmkarları ilə ikitərəfli görüşlər keçirib ki, həmin görüşhlərin gedişində ikitərəfli məsələlərlə bağlı fikir mübadiləsi aparılıb.
A.Hüseyninn məlumatına görə, konfransda 20 milyon müsəlmanın yaşadığı Rusiyaya təşkilatda müşahidəçi statusu verilməsi barədə qərar qəbul edilib.
"Azərbaycanın uzaqgörən siyasəti üzündən təşkilatda müşahidəçi statusunun təsis edilməsi quruma bu təşkilatın üzvü ilə münaqişəsi olan başqa bir dövlətin daxil edilməməsi barədə düzəliş edildi", -deyə A.Hüseyn qeyd edib. "Başqa sözlə, Ermənistanın təşkilata üzv olmaq şansı yoxdur".