"Sentyabrın 15-i Qafqaz İslam Ordusu tərəfindən Bakının xilasının 87-ci ildönümü ilə bağlı Bütöv Azərbaycan Xalq Cəbhəsi (BAXCP) bəyanatla çıxış edib". Bu barədə Trend ə BAXCP mətbuat və informasiya xidmətindən məlumat daxil olub.
Bəyanatda bildirilib ki, 1918-ci il sentyabrın 15-də qəhrəman türk əsgərləri Bakını erməni-rus əsarətindən, xalqımızı soyqırımından xilas edərək çağdaş Azərbaycan Respublikasının sələfi olan Azərbaycan Xalq Cümhuriyyətinin dayaqlarını möhkəmləndirdi. Bu gün Azərbaycan xalqınnın, o cümlədən bütün türk dunyasının tarixinə qəhrəmanlıq və qardaşlıq səlnaməsi kimi yazılmalıdır.
1991-ci ildə Azərbaycan Respublikasının dövlət müstəqilliyinin bərpa olunması haqqında bəyannamə qəbul edilməsindən dərhal sonra dövlət müstəqillyimizin ilk olaraq məhz qardaş Türkiyə tərəfindən tanınması 1918-ci ildən başlamış tarixin məntiqi davam kimi qiymətləndirilməsi də bəyanatda öz əksini tapıb.
BAXCP hesab edir ki, 15 sentyabr Türikyə və Azərbaycan türklərinin qardaşlıq rəmzinə çevrilməsi və rəsmi dövlət bayramı kimi qeyd olunmalıdır.
Türkiyə-Azərbaycan əlaqələrinin daha da genişləndirilməsinin, ölkələrimiz arasında qarşılıqlı hərbi yardım haqqında saziş imzalanmasının vacibliyini önə çəkən BAXCP türk dövlətlərinin iqtisadi-siyasi birliklərinin formalaşdırılması, Türk Dövlətləri Birliyi və Türk Dövlətləri Parlament Assambleyasının yaradılması istiqamətində konkret addımlar atılmasının vacibliyini də bəyan edib.
