...

"ERMƏNİSTAN VƏ GÜRCÜSTANLA DANIŞIQLAR AZƏRBAYCANIN TƏQSİRİ ÜZÜNDƏN UZANIR"

Siyasət Materials 29 Sentyabr 2005 14:45 (UTC +04:00)

/Mediamaks/ Avropa Şurasının Cənubi Qafqaz üzrə xüsusi nümayəndəsi Heyki Talvitiye Yerevanda bəyan edib ki, Avropa Qonşuluq Siyasəti (AQS)çərçivəsində Ermənistanın fəaliyyət planı üzrə danışıqlar "Azərbaycanın Avropa Şurasının üzvülərindən biri ilə münasibətlərdəki problemlər üzündən uzanır".

Trend in məlumatına görə, Heyki Talvitiye AŞ-nın üzvü olan dövlətin adını konkretləşdirməsə də, onun növbəti cavabında söhbətin Kipr barədə getdiyi məlum olub. Talvitiyenin sözlərinə görə, AŞ Cənubi Qafqazın 3 ölkəsinin Avropa Qonşuluq Siyasətinə cəlb edilməsi barədə qərar qəbul edərkən regionun bütün ölkələri ilə münasibətdə balanslaşdırılmış siyasət yürüdülməsi fikrini əsas götürüb. AŞ-nın xüsusi nümayəndəsi ümid etdiyini bildirib ki, "Aşüzvü olan dövlət"lə və Azərbaycanla münasibətlərdə mövcud olan problemləri oktyabrın ortalarına kimi həll etmək mümkün olacaq. Əgər bu baş verməzsə, Talvitiye AŞ-nın Cənubi Qafqaz ölkələrinə qarşı "daha differensial siyasət yürüdəcəyini" istisna etməyib.

Ermənistanın XİN-dəki mənbənin Mediamaks agentliyinə verdiyi məlumata görə, Yerevanla danışıqların uzanmasının əsas səbəbi Azərbaycanın Şimali Kiprə birbaşa aviasiya reysi açması ilə bağlıdır. Ötən il AŞ-nın tamhüquqlu üzvü olan Kipr hökumətinə cavab olaraq Azərbaycanla fəaliyyət planının müzakirəsi üzərinə veto qoyulub.

Xəbər lenti

Xəbər lenti