İqtidaryönlü partiyaların Məşvərət Məclisi ümumilli lider Heydər Əliyevin vəfatının ikinci ildönümü ilə bağlı tədbirlər planı hazırlayıb. Bu barədə Trend ə Məşvərət Məclisinin sədri Məmməd Əlizadə bildirib.
M.Əlizadə qeyd edib ki, quruma daxil olan 15 partiya ayrı-ayrılıqda öz qərargahlarında ümumilli liderin vəfatının ikinci ildönümünü qeyd edəcək: "Məşvərət Məclisi isə dekabrın 12-də Bakının ali məktəblərinin birinin akt zalında "Azərbaycan və Heydər Əliyev" mövzusunda elmi-praktiki konfrans keçirəcək".
Sədr onu da qeyd edib ki, tədbirin təşkilatçısı Respublikaçılar Partityasıdır: "Azərbaycan Milli Dövlətçilik Partiyasının sədri Sabir Tarıverdiyev isə "Gülgün" sarayında ümumilli liderimizin ruhuna ehsan verəcək".