Almaniyanın ölkəmizdəki səfiri Deltef Lingeman Gəncədə səfərdə olub. Şəhərin icra başçısı Eldar Əzizovla görüş zamanı səfir Gəncə şəhəri ilə Almaniya arasında iqdisadi əməkdaşlığın dərinləşməsi məsələsini müzakirə ediblər.
Səfir bildirib ki, may ayında respublikaya Almaniyadan iqdisadi nümayəndə heyətinin gəlişi gözlənilir. Bu məsələyə Gəncədən hansı iş adamlarının cəlb olunması məsələsi də müzakirə mövzusu olub.
Daha sonra əsas danışıqlar Gəncənin su təchizatı layihəsi ilə bağlı olub. Bu layihə çərçivəsində su təchizatı məsələsinin yaxşılaşdırılması müzakirə olunub. Layihənin qiyməti 1 milyon manatdan çox vəsait tələb edir.
Gəncə şəhər icra hakimiyyətinin başçısı tərəfindən Ştutqard şəhəri ilə Gəncənin qardaşlaşmış şəhərlər olması təklifi də təklif olunub. Səfir təklifi maraqla qarşılayıb və məsələnin müzakirə olunacağını bildirib.
