Gəncənin İnzibati Ərazisinə dəyişiklik edilib. Bu barədə məlumatı Trend ə Dövlət Topaq və Xəritəçəkmə Komitəsinin Gəncə şəhər şöbəsinin müdiri Fədail Səlimov verib.
Onun sözlərinə görə, 8329 hektar ərazisi olan Gəncə şəhərinin sahəsinə Xanlar raoynunun inzibati ərazisindən 102,6 hektar sahə əlavə olunub. Əlavə olunan ərazi Gəncədən Gəncə Hava Limanına kimi olan sahədir. Səlimov bildirdi ki, əvvələr hava limanınıa gedən yol Xanlar rayonunun tərkibində olduğu üçün Gəncə şəhərindən sözügedən ərazidə heç bir iş aparmaq mümkün olmurdu. Hal-hazırda isə Gəncənin inzibati ərazisində olan sahədə müasir standartlar səviyyəsində yeni obyektlər tikilir.
Müsahib bildirdi ki, inzibati ərazi dəyişikliyini Milli Məclis də təsdiq edib.