Cari ildə Naxçıvan MR-də 297,4 ton bal istehsal edilib. Trend in Naxçıvan Bürosu xəbər verir ki, hazırda regionda 20500-dən çox arı ailəsi saxlanılır.
Ümumiyyətlə, ötən illə müqayisədə regionda arı ailələrinin sayı 2800-ə yaxın artırılıb. Bal istehsalında Şahbuz rayonu fərqlənir ki, bu da onun iqlim xüsusiyyətləri ilə əlaqələndirilir.
Cari ildə regionda arıçılığın inkişafına həm də Kənd Təsərrüfatının İnkişafı üzrə Beynəlxalq Fond (İFAD) tərəfindən "Dağ və yüksək dağlıq ərazilərin inkişaf etdirilməsi" proqramının həyata keçirilməsi da öz təsirini göstərib. Belə ki, son iki ildə təkcə Şahbuz rayonunun 10 kəndində fond tərəfindən mülkiyyətçilərə 843 arı ailəsi verilib.