"Mən deyə bilmərəm ki, Azərbaycanda siyasi məhbus problemi tamamilə həll edilib". Trend xəbər verir ki, bu barədə AŞPA monitorinq komitəsinin sədri Eduard Lintner bildrib.
O qeyd edib ki, Komitə bu məsələləri nəzarətdə saxlayır və ümid edir ki, Azərbaycan hökuməti və prezident bu situasiya ilə bağlı iş görəcək. O bildirib: "Bu məsələ üzərində hələ işləyən mütəxəssis qrupumuz var. Müraciətlər əsasında komitə bu adamlara kömək etməyə çalışacaq.
E.Lintner həmçinin qeyd edib ki, məhbusların saxlanıldığı yerdə olmuş həmməruzəçilər Azərbaycandakı vəziyyətlə bağlı hesabat layihəsinə böyük bir fəsil daxil ediblər.