ATƏT ümid edir ki, yaxın zamanlarda Azərbaycanda sərbəst toplaşmaq haqqında məsələ öz həllini tapacaq
"Mən ümid edirəm ki, yaxın zamanlarda Azərbaycanda sərbəst toplaşmaq haqqında məsələ öz həllini tapacaq". Trend xəbər verir ki, bu barədə ATƏT-in Bakı ofisinin rəhbərinin müavini Robin Sivord bildirib.
O qeyd edib ki, ATƏT-in Bakı ofisi artıq uzun müddətdir ki, Azərbaycanda "Sərbəst toplaşmaq haqqında" qanunun təkmilləşdirilməsi ilə bağlı danışıqlar aparır və hələ də bu məsələ ilə əlaqədar narahatdır.
R.Sivord qeyd edib ki, ATƏT-in Bakı ofisi hüquq-mühafizə orqanları işçiləri üçün treninqləri davam etdirir ki, bu da bu sahədə aparılan işin bir hissəsidir.
