Avropa yenidənqurma və inkişaf Bankı (AYİB) "Millikart" məhdud məsuliyyətli Cəmiyyətinin səhmdarları sırasına daxil olmaqda maraqlıdır.
"Millikart"ın icraçı direktoru Cəlal Orucovun cümə günü Trend ə verdiyi xəbərə görə, prosessinq mərkəzinə yeni səhmdarların qəbul olunması üçün nizamnamədə dəyişikliklər etmək və Azərbaycanın Ədliyyə Nazirliyində qeydiyyatdan keçmək lazımdır.
"Bununla bağlı olaraq, 2007-ci ilin ilk yarısında təsisçilərin sayının artırılması məsələsinin nəzərdən keçirilməsi planlaşdırılır, belə ki, AYİB ilə yanaşı yerli banklar tərəfindən də maraq göstərilir",- deyə o söyləyib.
Hazırda Avropa Bankı ilə razılaşdırmalar keçirilir və təsis sənədləri müzakirə olunur.
AİYB-nın daxil olması ilə "Millikart"ın nizamnamə kapitalının artırılması nəzərdə tutulur. Hazırda o, 18 səhmdar tərəfindən 4 mln. manat həcmində formalaşıb.
"Millikart" MMC 2006-cı il iyulun 16-da təsis olunub. "Millikart" sərbəst qurum kimi fəaliyyətə 2006-cı il sentyabrın 2-də başlayıb.
Mərkəzin təsisçiləri Atabank, Azərdəmiryolbank, Azərtürkbank, Bank of Baku, CIBank Debütbank, Əmrahbank, Xalqbank, Kredobank, Azərbaycan Mikromaliyyələşdirmə bankı, Parabank, Rabitəbank, Bank Respublika, Bank Standard, Texnikabank, Turanbank, UniBank və Zaminbankdır.