Samux rayonunda istifadə edilən mavi yanacağın dəyərinin ödənilməsi 100 faizə yaxınlaşmaq üzrədir. Bu barədə məlumatı Trendə Samux rayon Qaz İstismarı İdarəsinin rəisi Rəhim Hüseynov verib.
Müsahib bildirib ki, ötən ay rayon ərazisində qaz pullarının yığımı 93,8 faiz olub. "Biz rayon ərazisində olan 5422 abonentdən 4801-i ödənişə cəlb edə bilmişik. Abonentlər sayğac üzərindəki göstəricilərlə yanaşı debitor borclarını da ödəyiblər. Yaxın aylarda yığımı 100 faizə çatdırmaq fikrindəyik".
R. Hüseynov qeyd etdi ki, ötən il rayon ərazisində 78 yaşayış evində sayğaca müdaxilə faktı aşkarlanıb. Bununla əlaqədar tərtib olunmuş aktlar üzrə cərmələnənlərin 70 faizi cərmələrini ödəyib.
Hazırda Samux rayonunun 16 kəndi mavi yanacaqla təmin olunub.
