...

NATO PA-dakı nümayəndə heyətinin üzvü: "Azərbaycan Silahlı Qüvvələri 2008-ci ilin sonuna qədər tam olaraq NATO standartlarına keçməlidir"

Siyasət Materials 2 Mart 2007 15:38 (UTC +04:00)

Azərbaycan, Bakı /müxbir Trend İ.Əlizadə/Azərbaycan Silahlı Qüvvələri 2008-ci ilin sonuna qədər tam olaraq NATO standartlarına keçməlidir. Azərbaycanın NATO-dakı nümayəndə heyətinin üzvü, Milli Məclisin Təhlükəsizlik və müdafiə məsələləri üzrə daimi komissiyasının üzvü, millət vəkili Siyavuş Novruzov bildirib ki, bura təlim-tədris sistemi, hərbi xidmətə çağırış, hərbi-sənaye kompleksinin müasirləşdirilməsi və sair daxildir.

"Gürcüstan və Ukrayna 2010-cu ilə qədər NATO standartlarına keçməlidir. Amma Azərbaycan bunun 2008-ci ilin sonuna qədər reallaşdırmalıdır. Hesab edirəm ki, ölkəmiz müəyyənləşdirilən vaxtda öz Silahlı Qüvvələrini tam olaraq NATO standartlarına uyğunlaşdıra biləcək", deyə S.Novruzov vurğulayıb.

Onun sözlərinə görə, NATO rəsmiləri Azərbaycanın bu qurumla əməkdaşlığını yüksək qiymətləndirirlər:"Azərbaycan keçmiş postsovet ölkələri arasında NATO ilə ən sıx əməkdaşlıq edən dövlətdir. Bu əməkdaşlıq uğurla davam edir".

Xəbər lenti

Xəbər lenti