Azərbaycan, Bakı / Trend müxbir İ.Əlizadə/Hakim Yeni Azərbaycan Partiyası (YAP) Quba rayon təşkilatının VIII konfransı keçirilib. YAP mətbuat xidmətinin məlumatına görə, konfransda 85 ərazi ilk partiya təşkilatından 414 nümayəndə iştirak edid. Təşkilatının sədri Hüseynağa Baxışov VII konfransdan ötən dövr ərzində görülmüş işlər barədə geniş hesabat məruzəsi ilə çıxış edib.Hesabatda qeyd olunmuşdur ki, rayon təşkilatı Yeni Azərbaycan Partiyasının III Qurultayının qəbul etdiyi qərarların, qurultayda Azərbaycan prezidenti, partiyanın sədri İlham Əliyevin çıxışından irəli gələn vəzifələrin layiqincə icrası istiqamətində ciddi səylər göstərib. Verilən məlumata görə, YAP Quba rayon təşkilatının sıraları hesabat dövrü ərzində xeyli genişlənib, bu ərəfədə gənclərin partiyaya axını daha da güclənib. Konfransda iştirak edən YAP İdarə Heyətinin üzvü Abel Məhərrəmov ölkədə həyata keçirilən iqtisadi islahatların uğurlu nəticələri, o cümlədən hakim partiyanın III qurultaydan ötən dövr ərzində fəaliyyəti və qazandığı uğurlar barədə danışıb. Konfransın qətnaməsi qəbul edildikdən sonra təşkilati məsələlərə baxılıb. Orucov Fuad Xalid oğlu YAP Quba rayon təşkilatının sədri seçilib.Konfrans nümayəndələri eyni zamanda rayon təşkilatının 45 nəfərdən ibarət şurasını və 17 nəfərdən ibarət idarə heyəti, 5 nəfərlik nəzarət-təftiş qrupunu seçiblər. Sonda konfrans iştirakçıları adından Azərbaycan prezidenti, YAP sədri İlham Əliyevə müraciət qəbul olunub.
Qeyd edək ki, YAP 1992-ci ildə Naxçıvanda yaradılıb. Partiyanın ilk sədri mərhum eks-prezident Heydər Əliyev olub. 14 ildir hakim partiya olan YAP-ın sədri prezident İlham Əliyevdir.
