...

Yazar Rafiq Tağı və "Sənət qəzeti"nin baş redaktoru Samir Hüseynov barəsindəki həbs qərarı dəyişdirilmədi

Siyasət Materials 19 Mart 2007 17:22 (UTC +04:00)

Azərbaycan, Bakı / Trend müxbir K. Zərbalıyeva/ Yazar Rafiq Tağı və "Sənət qəzeti"nin baş redaktoru Samir Hüseynov (Sədaqətoğlu) barəsindəki cinayət işi üzrə bu gün Səbayel rayon məhkəməsində hakim Yusif Kərimovun sədrliyi ilə hazırlıq iclası keçirilib. Hər iki təqsirləndirilənin vəkili İsaxan Aşurov Hüseynovun atası Sədaqət Hüseynov, Elçin Süleymanov, Gilas İsmayılova və Müsəddəs İsrafilovun ifadələrinin sübutlar siyahısından çıxarılması və təqsirləndirilənlər barəsində seçilmiş həbs qətimkan tədbirinin ləğv edilməsi barədə vəsatətlər verib.

Məhkəmə vəsatətləri təmin etməyib və iş üzrə məhkəmə baxışının aprelin 2-də keçirilməsi barədə qərar qəbul edib.

Rafiq Tağı və Samir Sədaqətoğlu Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə ittiham olunurlar.

Xəbər lenti

Xəbər lenti