Azərbaycan,Bakı/müxbir Trend İ.Xəlilova/ Azərbaycan, Qazaxıstan və Gürcüstanın bir sıra beynəlxalq məsələlər üzrə mövqeləri üst-üstə düşür. Bu barədə çərşənbə günü hökumət başçılarının üçtərəfli görüşündə Qazaxıstanın baş naziri Kərim Məsimov bildirib.
Həmçinin mövqelər yeni qlobal çağırışlara qarşı mübarizə, təhlükələr - beynəlxalq terrorizm, ektremizm və separatizm kimi aktual problematika üzrə də üst-üstə düşür.
"Biz müxtəlif beynəlxalq strukturlar, həmçinin BMT və ATƏT çərçivəsində Azərbaycan, Qazaxıstan və Gürcüstanın məhsuldar əməkdaşlığına şadıq", - deyə K.Məsimov bildirib.
Üç ölkə hökuməti hazırkı əməkdaşlıq səviyyəsindən məmnunluqlarını bildirib və onun daha da genişləndirilməsinin tərəfdarı kimi çxış edib.