Azərbaycan, Bakı / müx. Trend S.Ağayeva/ Bakıda GUAM Gənclər Günləri keçiriləcək.
"Demokratiya və iqtisadi inkişaf uğrunda təşkilat - GUAM"ın gənclər təşkilatlarının nümayəndələri sentyabrda Bakıda GUAM Gənclər Günləri çərçivəsində bir araya gələcəklər.
Bu barədə qurumun katibliyindən məlumat veriblər.
Müvafiq qərar 2006-ci ilin noyabrında "GUAM ölkələrinin gənclər forumu" beynəlxalq gənclər ictimai təşkilatlarının I konqresində qəbul olunub. Gənclər Günlərində GUAM-ın bütün üzv-ölkələrindən namizədlərin iştirakı gözlənilir.
GUAM ölkələrinin Gənclər Forumunun yaradılması və Gənclər Günlərinin keçirilməsi təşəbbüsü Azərbaycanın gənclər qurumlarına məxsusdur.