Azərbaycan, Lənkəran / Trend , müxbir P.Əliyeva/ Lənkəran rayonunda sarılıq xəstəliyinə tutulanların sayı artıb. Lənkəran rayon Gigiyena və Epidemiologiya Mərkəzinin direktoru Habil Sadıqov cümə axşamı Trend ə bildirib ki, təkcə yanvar ayında 5 nəfər hepatit B, 3 nəfər isə hepatit C xəstəliyinə tutulub. Mərkəz direktoru bildirib ki, rayonda hepatit xəstəliyinə tutulanların dinamikası hər il artır. Onun sözlərinə görə, ötən il hepatit A xəstələrinin sayı 7 nəfər, hepatit B -20 nəfər, hepatit C -11 nəfər olub. 2006-cı ildə isə hepatit A xəstələrinin sayı 10 nəfər, hepatit B - 7 nəfər, hepatit C - 3 nəfər olub. Sadıqov deyib ki, rayonda yolxucu xəstəliklərin daşıyıcıları əsasən narkomanlar olur.
Lənkəran paytaxt Bakıdan 270 kilometr cənubda yerləşir.
