Azərbaycan, Bakı, 29 aprel / Trend , müxbir K.Zərbalıyeva/ Azərbaycanın şimal regionunda yeni cəzçəkmə müəssisəsi inşa olunacaq.
Azərbaycan ədliyyə nazirinin müavini, Penitensiar Xidmətin rəisi Nazim Ələkbərov çərşənbə axşamı jurnalistlərə açıqlamasında bildirib ki, hazırda müəssisə üçün torpaq sahəsi ayrılması məqsədilə həmin regionda yerləşən rayonların icra hakimiyyətlərinin rəhbərləri ilə danışıqlar aparılır.
Nazir müavini deyib ki, yeni müəssisənin kurort zonasından kənarda inşasına çalışılacaq.
Xidmətin rəisi qeyd edib ki, Mərkəzi Aran zonasında da yeni cəzaçəkmə müəssisəsinin inşası nəzərdə tutulub. Həmin müəssisənin Kürdəmirdə inşası gözlənilir.
Gəncədə isə yeni istintaq təcridxanası və qarışıq tipli cəzaçəkmə müəssisəsi üçün icra hakimiyyəti şəhər mərkəzindən 30 km aralıda 15 hektar torpaq sahəsi ayırıb.
Müəssisənin inşası üçün maliyyənin ayrıldığını deyən nazir müavini bildirib ki, müəssisənin layihə-smete sənədlərinin hazırlanmasına başlanıb.
Bu ilin sonunadək Kürdəxanıda yeni istintaq təcridxanası istifadəyə veriləcək.
2009-cu ilin sonlarında isə hazırda Şəki və Lənkəranda inşa olunan qarışıq tipli cəzaçəkmə müəssisələrinin tikintisi yekunlaşdırılacaq.
Müəlliflə əlaqə saxlamaq üçün elektron ünvan - [email protected]
