Azərbaycan, Bakı, 21 may / Trend , müxbir C.Babayeva/ Çərşənbə günü Bakının Nərimanov rayonunda Ankara litseyinin yeni korpusunun açılışı olub.
Açılış mərasimində çıxış edən təhsil naziri Misir Mərdanov Ankara litseyinin Azərbaycanın ən nümunəvi təhsil müəssisəsinə çevriləcəyinə ümidvar olduğunu bildirib.
Açılış mərasimində çıxış edən Türkiyənin Azərbaycandakı səfirliyinin təhsil üzrə attaşesi Səlahəddin Dikmənin sözlərinə görə, litseydə təhsil alanlar Azərbaycanı beynəlxalq aləmdə layiqincə təmsil edə biləcəklər.
Litsey 2006-cı ildə Heydər Əliyev Fondunun dəstəyi ilə təmir olunub. Litseydə 1400-dən çox şagird təhsil alır, 100-dən çox müəllim çalışır.