Azərbaycan, Bakı, 21 may / Trend , müxbir C.Babayeva/ Gələn ildən Azərbaycanın bütün orta məktəblərində vahid məktəbli formasının mütləq şəkildə tətbiq olunması barədə qərar qəbul olunacaq. Trend -un məlumatına əsasən, bu barədə çərşənbə günü jurnalistlərə təhsil naziri Misir Mərdanov bildirib.
Nazirin sözlərinə görə, hazırda Azərbaycan məktəblərinin 90 faizə qədəri vahid formaya keçib.
"Vahid məktəbli forması ilə bağlı dəqiq monitorinq aparılmasa da, ilin sonuna qədər bu göstəricinin artmasını gözləyirik", deyə nazir bildirib.
Onun bildirdiyinə görə, məktəbli formasını məktəblər müəyyənləşdirəcək, qalan məsələlər isə valideynlərin üzərinə düşəcək.
2007-2008-ci tədris ilindən etibarən Azərbaycanın bəzi məktəblərində könüllülük əsasında məktəbli forması tətbiq olunur.
