Azərbaycan, Bakı 29 dekabr / Trend , müxbir K. Zərbalıyeva/ Azərbaycan məhkəməsi müxalifətyönlü qəzetin narkotika cinayətində təqsirləndirilən əməkdaşını vaxtından əvvəl cəzadan azad etmədi.
Trend - un məlumatına görə, "Azadlıq" qəzetinin satirik yazarı Mirzə Sakitin cəzasının çox hissəsini çəkməsi və qanuna uyğun olaraq vaxtından əvvəl məhkəməyə müraciət etmək hüququna malik olması əsas gətirilərək, vəkili İsaxan Aşurov Bakının Nərimanov rayon məhkəməsinə müraciət edib.
Nərimanov rayon məhkəməsində hakim Elşanə Vəliyevanın sədrliyi ilə bazar ertəsi keçirilən iclasda jurnalistin şikayətinə müsbət cavab verilməyib və onun şikayəti təmin olunmayıb.
Vəkil Aşurov bildirib ki, Nərimanov rayon məhkəməsinin qərarından Bakı Apellyasiya Məhkəməsinə şikayət veriləcək.
Sakit 2006 - cı ilin iyununda üç il müddətinə azadlıqdan məhrum edilib. O, qanunsuz narkotik saxlamaqda ittiham olunub. Jurnalist öz həbsini siyasi sifariş hesab edir və bunu yazdığı radikal ruhlu məqalələrlə əlaqələndirir.
Məqalə müəllifi ilə əlaqə ünvanı: [email protected]