Azərbaycan, Bakı, 8 sentyabr /Trend, müxbir M. Əliyev/
Azərbaycanın Sumqayıt şəhərində tanınmış Ukrayna şairi və yazıçısı Lesya Ukrainkanın (Larisa Petrovna Kosaç-Kvitka) 140 illiyi ilə əlaqədar abidəsi ucaldılacaq. Bu barədə Trend-ə Sumqayıt Şəhər İcra Hakimiyyətindən bildiriblər.
Bu məqsədlə şəhərin Çerkassı küçəsində salınacaq parkın və abidənin layihəsi hazırlanır. Parkın ərazisinin uzunluğu 1 346 metr, eni 30-25 metr, ümumi sahəsi isə 40 716 kvadratmetr olacaq. Monumentin açılışı 2011-ci ilə planlaşdırılır.
Lesya Ukrainka 1871-ci ildə doğulub və 1913-cü ildə ağır xəstəlik nəticəsində dünyasını dəyişib.