Azərbaycan, Bakı, 11 aprel /Trend, müxbir M.Əliyev
Azərbaycan rayonlarının əksəriyyətində çayların sululuğu ongünlük normadan aşağıdır. Bu barədə bazar ertəsi Trend-ə Azərbaycan Ekologiya və Təbii Sərvətlər Nazirliyindən məlumat verilib.
Hazırda Lənkəran-Astara bölgəsi, Kiçik Qafqaz çaylarında, Naxçıvan Muxtar Respublikası çaylarında sululuq səviyyəsi ongünlük normadan demək olar iki dəfə aşağıdır. Quba-Xaçmaz bölgəsi çaylarda suyun səviyyəsi normanın 60-160 səviyyəsini təşkil edir. Çaylarda sululuğun səviyyəsində artım Balakən-Şəki zonasında ongünlük normanın 110-150 faizi səviyyəsindədir.
Hazırda Kürün aşağı axarındakı Surra məntəqəsində suyun səviyyəsi 578 sm (2010-cu il aprelin 11-də 778 sm idi), Şirvanda 483 sm (691 sm), Bankədə 313 sm (436 sm), Salyanda 416 sm (703 sm), Araz çayının Novruzlu məntəqəsində isə 295 sm (548 sm) təşkil edir.