Azərbaycan, Bakı, 14 sentyabr /Trend, müxbir İ.İsabalyeva/
Azərbaycanda ümumi orta təhsil bazasında (9 illik) orta ixtisas təhsili müəssisələrinə qəbul olmuş abituriyentlərin qeydiyyat müddəti başa çatıb. Bunu Trend-ə Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə deyib.
Onun sözlərinə görə, tələbələr üçün qeydiyyat müddəti bu gün saat 17:00-da başa çatıb.
Tələbələrin daxil olduqları orta ixtisas təhsili müəssisələrində qeydiyyatına sentyabrın 6-dan başlanılmışdı. Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri orta ixtisas məktəbinə göndərilməyəcək.
Bu il ümumi orta təhsil bazasında (9 illik) orta ixtisas təhsili müəssisələrinin 9642 plan yerinə 9227 nəfər qəbul olub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
