Azərbaycan, Bakı, 6 fevral /Trend, müxbir E.Mehdiyev/
BMT-nin Uşaq Hüquqları Komitəsinin 58-ci sessiyası başa çatıb.
Trend Komitənin rəsmi saytına istinadən xəbər verir ki, Cenevrə şəhərində keçirilən sessiyada Komitə yeddi ölkənin 12 hesabatını dinləyib və bu hesabatlarla bağlı yekun rəy qəbul edib. Yekun rəylər fevralın 6-da açıqlanacaq.
Qeyd edək ki, yanvarın 17-18-də Cenevrə şəhərində BMT-nin Uşaq Hüquqları Komitəsi tərəfindən Azərbaycan hökumətinin Uşaq Hüquqları Konvensiyası üzrə 3-4-cü dövri hesabatları, Uşaq alveri, uşaq fahişəliyi və uşaq pornoqrafiyası və Uşaq Hüquqları Konvensiyası üzrə Uşaqların silahlı münaqişələrə cəlb edilməsi üzrə əlavə protokollarla bağlı ilkin hesabatlarına baxış keçirilib.
