...

Azərbaycanın avtomobil yollarında son sürət həddi artırılacaq (FOTO)

Cəmiyyət Materials 25 İyul 2012 13:13 (UTC +04:00)
Yaxın vaxtlarda Azərbaycanın əksər avtomobil yollarında son sürət həddi artırılacaq. Bu barədə Trend-ə "Azəriyolservis" ASC-nin mətbuat xidmətinin rəhbəri Pünhan Mürsəliyev məlumat verib.
Azərbaycanın avtomobil yollarında son sürət həddi artırılacaq (FOTO)

Azərbaycan, Bakı, 25 iyul /Trend müxbir K.Zərbalıyeva/

Yaxın vaxtlarda Azərbaycanın əksər avtomobil yollarında son sürət həddi artırılacaq. Bu barədə Trend-ə "Azəriyolservis" ASC-nin mətbuat xidmətinin rəhbəri Pünhan Mürsəliyev məlumat verib.

"Yaxın gələcəkdə respublikanın bir çox avtomobil yollarında yenidənqurma və tikinti işləri başa çatdırıldıqdan sonra sürət həddinin artırılacağı gözlənilir", - Mürsəliyev bildirib.

O bildirib ki, son vaxtlar Azərbaycanda ardıcıl olaraq həyata keçirilən iqtisadi islahatların nəticələri, nəqliyyat vasitələrinin sayının artması və bir çox səbəblər yol-nəqliyyat infrastrukturunun müasir tələblərə uyğun təkmilləşdirilməsini zəruri edib.

Onun sözlərinə görə, son illər respublikanın avtomobil yollarında geniş əhatəli işlər görülüb və hazırda bu işlər sürətlə davam etdirilir.

Müasir tələblər səviyyəsində qurulan avtomobil yollarında buraxma qabiliyyətini normal təmir etmək üçün sürətin artırılması vacib şərtlərdən biri sayılır.

Mürsəliyev deyib ki, avtomobil yollarının layihələndirilməsi üzrə tikinti norma və qaydalarına görə, dağlıq ərazilər istisna olmaqla, düzən relyefdə 1-ci texniki dərəcəli 4 zolaqlı hərəkət istiqaməti olan avtomobil yollarında hesabi sürət 150 km/saata qədərdir.

Bütün bunları nəzərə alaraq, respublikanın yenidən qurulmuş bir çox avtomobil yollarında nəqliyyatın keçməsini normal təmin etmək üçün hərəkət sürəti 110 km/saata qədər artırılıb.

Buna misal olaraq Bakı-Qazax-Gürcüstan sərhədi, Ələt-Astara-İran sərhədi və Bakı-Quba-Rusiya sərhədi avtomobil yollarının müəyyən hissələrini göstərmək olar.

Xəbər lenti

Xəbər lenti