Azərbaycan, Bakı, 3 may /Trend, müxbir İ.İsabalayeva/
Azərbaycan ərazisində günəşli hava şəraiti davam edəcək.
Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosundan cümə günü Trend-ə bildirilb ki, mayın 4-də Bakıda və Abşeron yarımadasında dəyişkən buludlu, yağmursuz hava şəraiti müşahidə olunacaq. Mülayim şimal-qərb küləyi əsəcək. Gündüz külək mülayim çənub-qərb küləyi ilə əvəzlənəcək. Gecə 10-15 dərəcə, gündüz 20-25, bəzi yerlərdə 29 dərəcə isti olacaq.
Mayın 5-də Bakıda və Abşeron yarımadasında dəyişkən buludlu, yağmursuz hava şəraiti müşahidə olunacaq. Mülayim şimal-qərb küləyi əsəcək, gündüz çənub-qərb küləyi ilə əvəzlənəcək. Havanın temperaturu gecə 9-14, gündüz 18-23, bəzi yerlərdə 27 dərəcə isti təşkil edəcək.
Azərbaycanın rayonlarında mayın 4-də hava əsasən yağmursuz olacaq. Səhər bəzi yerlərdə duman qeydə alınacaq. Mülayim şərq küləyi əsəcək. Gecə 10-15, gündüz 25-30 dərəcə, bəzi yerlərdə 32 dərəcə isti olacaq. Havanın temperaturu dağlarda gecə 8-13 dərəcə, gündüz 18-23, bəzi yerlərdə 25 dərəcə isti təşkil edəcək.
Mayın 5-də hava əsasən yağmursuz olacaq. Səhər bəzi yerlərdə duman qeydə alınacaq. Mülayim şərq küləyi əsəcək. Havanın temperaturu gecə 9-14, gündüz 24-29 dərəcə, bəzi yerlərdə 32 dərəcə isti olacaq. Havanın temperaturu dağlarda gecə 8-13 dərəcə, gündüz 18-23, bəzi yerlərdə 25 dərəcə isti təşkil edəcək.