...

Quba Soyqırım Memorial Xatirə Kompleksi bu ay istifadəyə veriləcək

Cəmiyyət Materials 1 İyul 2013 19:30 (UTC +04:00)
Trend Regional TV-yə istinadən məlumat verir ki, Qubadakı Soyqırımı Memorial Xatirə Kompleksinin inşasına 2010-cu ilin payızında başlanılıb. Artıq tikinti işləri başa çatmaq üzrədir.
Quba Soyqırım Memorial Xatirə Kompleksi bu ay istifadəyə veriləcək

Trend-i buradan izləyin

Azərbaycan, Bakı, 1 iyul /Trend/

Quba Soyqırım Memorial Xatirə Kompleksi bu ay istifadəyə veriləcək.

Trend Regional TV-yə istinadən məlumat verir ki, Qubadakı Soyqırımı Memorial Xatirə Kompleksinin inşasına 2010-cu ilin payızında başlanılıb. Artıq tikinti işləri başa çatmaq üzrədir. Sivri uclu iki xəncəri xatırladan abidənin inzibati binaları hazırdır. Daxildə isə tərtibat işləri həyata keçirilir. Soyqırım faciəsini xatırladan dəlillər və ermənilərin azərbaycanlılara qarşı törətdiyi bütün faciələrə aid fotoşəkillər, eləcə də digər əşyaların yerləşdirilməsi işləri görülür. Kompleksin əsas hissəsi 6 metr dərinlikdə yerləşir.

Abidənin inşasında istifadə olunan tikinti materiallarının əksəriyyəti xarici ölkələrdən gətirilib. Özül hissəsini beton təşkil edən kompleksin daxili yandırılan qranitdən hörülüb. Hazırda ərazidə yaşıllaşdırma işləri, abadlıq və işıqlandırma sistemlərinin quraşdırılması prosesi həyata keçirilir.

Abidənin qarşı tərəfində bayraq kompleksi də inşa olunur. Quba Soyqırım Memorial Xatirə Kompleksində aparılan son tamamlama işləri iyul ayının ortalarında başa çatacaq.

Məqalədə:
Xəbər lenti

Xəbər lenti