Azərbaycan, Bakı, 3 yanvar /Trend/
Türkiyədə rüşvət əleyhinə aparılan irimiqyaslı əməliyyatlar çərçivəsində tutulan iş adamı Rza Zərrabın saxlanılmasına qarşı edilən etiraz qəbul olunmayıb.
Trend "Anadolu" agentliyinə istinadən xəbər verir ki, İstanbul prokurorluğunda aparılan araşdırma çərçivəsində 21 dekabrda tutulmasına qərar verilən iş adamı Rza Zərrabın vəkili Şeyda Yıldırım tərəfindən iş adamının saxlanılmasına edilən etiraza 25-ci Sulh Cəza Məhkəməsində baxılıb.
Məhkəmə qəbul etmədiyi təxliyə tələbini araşdırma sənədləri ilə birgə daha yuxarı məhkəmə olan 8-ci Asliyə Cəza Məhkəməsinə göndərib.
Etiraz müraciətinə baxan 8-ci Asliyə Cəza Məhkəməsi R.Zərrabın tutulmasına qarşı etirazı qəbul etməyib və onun saxlanılmasının davam etdirilməsini qərara alıb.