Azərbaycan, Bakı, 17 aprel /Trend, müxbir İ.İzzət/
Bakıda daha bir mərkəzi yolda nəqliyyatın hərəkəti məhdudlaşdırılacaq. Bu barədə Trend-ə Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, tərtib olunmuş qrafikə əsasən, yolun hərəkət hissəsinin üfüqi nişanlanması işlərinin aparılması ilə əlaqədar bu gün axşam saat 22:00-dan etibarən paytaxtın Koroğlu Rəhimov küçəsində nəqliyyatın hərəkəti 1 zolaq üzrə məhdudlaşdırılacaq.
Sürücülərə alternativ olaraq Həsənoğlu küçəsindən istifadə etmələri tövsiyə olunur.
İşlərin aprelin 18-də səhər saatlarında tamamlanması nəzərdə tutulur.