Azərbaycan, Bakı, 22 aprel /Trend, müxbir R.Hafizoğlu/
2013-cü ilin statistikasına görə, Türkiyə əhalisinin 30 faizini uşaqlar təşkil edir. Trend-in məlumatına görə, bu barədə Türkiyə Statistika İnstitunun çərşənbə axşamı verdiyi açıqlamada bildirilir.
Məlumata görə, 2013-cü ildə Türkiyə əhalisi 22 milyon 761 min 702 nəfər olub.
Məlumatda o da bildirilir ki , 2075-ci ildə ölkədəki uşaqların sayının 17,6 faizə düşəcəyi gözlənilir.
2013-cü ildə Türkiyə əhalisinin 7,7 faizini yaşı 65-dən yuxarı olan əhali təşkil edib.
Ölkədəki yaşlı nəslin sayının 2023-cü ildə 10,2%, 2050-ci ildə 20,8%, 2075-ci ildə isə 27,7%-ə yüksələcəyi gözlənilir.
Məlumata əsasən, yaşlı nəslə ən çox ölkənin Sinop və Kastamonu şəhərlərində rast gəlinir. Belə ki, bu şəhərlərdə yaşlı nəslin faiz nisbəti 16%-dən çoxdur.
Ölkədə ən az yaşlı əhalini qeydə alındığı yerlər isə Van, Hakkari və Şırnak olub. Belə ki bu şəhərlərdə yaşlı nəslin faiz nisbəti maksimum 3% təşkil edir.