Azərbaycan, Bakı, 17 aprel /Trend/
Azərbaycan Milli Məclisinin deputatı, Böyük İpək Yolu BGİ-nin sədri Fuad Muradov Azərbaycan qrossmeysteri Vüqar Həşimovun xatirəsinə həsr olunan "Shamkir Chess 2015" superturnirinin açılış mərasimində iştirak edib.
Daha sonra millət vəkili Şəmkir şəhər Olimpiya kompleksində rayon gəncləri ilə görüş keçirib. Görüşdə millət vəkili ölkəmizdə keçiriləcək 1-ci Avropa Oyunlarının Azərbaycan üçün önəmindən danışıb, bu önəmli tədbir zamanı ölkəmiz haqqında yanlış fikirlərin aradan qaldırılmasında gənclərin rolunun əhəmiyyətli olduğunu qeyd edib. Gəncləri təbliğat prosesində aktiv olmağa səsləyib.
O, qeyd edib ki, əsası ümummilli lider Heydər Əliyev tərəfindən qoyulan və cənab Prezident İlham Əliyev tərəfindən uğurla davam etdirilən gənclər siyasəti bu gün bir çox dövlətlərə nümunədir.
Gənclər də görüş zamanı onları maraqlandıran sualları deputata ünvanlayıblar.