Azərbaycan, Bakı, 30 sentyabr /Trend/
Nizami Gəncəvi Beynəlxalq Mərkəzinin katibliyi Nyu Yorkda bir sıra önəmli toplantılar keçiribdir.
Nizami Gəncəvi Beynəlxalq Mərkəzinin katibliyi BMT-nın Baş Assambleyası çərcivəsində Nyu Yorkda səfərdə olan Maltanın Baş Naziri cənab Joseph Muskat, Xorvatiya Prezidenti xanım Kolinda Gribar-Kitarovic və YUNESKO-nun Baş Direktoru xanım İrina Bokova ilə görüş keçirmişdir.
Görüş zamanı Mərkəzin 8-9 Oktyabr tarixlərində Bolqarıstanda Şərqi Avropa ölkələrin liderləri ilə avropanı narahat edən qaçqın və miqrantlara həsr olunmuş forumun keçirilməsinin əhəmiyyəti vurğulanmışdır.
O cümlədən 2016-cı il təşkil olunacaq 4-cü Qlobal Bakı Forumuna dəvətlər təqdim olunmuşdur.