...

SAM nümayəndə heyəti Səudiyyə Ərəbistanı Krallığına səfər edəcək

Cəmiyyət Materials 30 Noyabr 2015 09:23 (UTC +04:00)
Azərbaycan Respublikasının Prezidenti yanında Strateji Araşdırmalar Mərkəzinin nümayəndə heyəti dekabrın 1-2-də Səudiyyə Ərəbistanı Krallığına (Ciddə şəhəri) səfər edəcək.
SAM nümayəndə heyəti Səudiyyə Ərəbistanı Krallığına səfər edəcək

Bakı. Trend:

Azərbaycan Respublikasının Prezidenti yanında Strateji Araşdırmalar Mərkəzinin nümayəndə heyəti dekabrın 1-2-də Səudiyyə Ərəbistanı Krallığına (Ciddə şəhəri) səfər edəcək.

Nümayəndə heyətinin tərkibinə SAM-ın direktor müavini Gülşən Paşayeva və Xarici siyasət məsələlərinin təhlili şöbəsinin aparıcı elmi işçisi Kamal Makili Əliyev daxildir.

Səfərin ilk günü SAM-ın nümayəndə heyətinin Kral Əbdüləziz Universitetinin Strateji Araşdırmalar Mərkəzi ilə tanışlığı, Mərkəzin direktoru İbrahim Kutubi və daha sonra Azərbaycan Respublikasının Səudiyyə Ərəbistanı Krallığındakı səfiri Rasim Rzayevlə görüşləri nəzərdə tutulub.

Dekabrın 2-də Azərbaycanın Səudiyyə Ərəbistanı Krallığındakı səfirliyi, İslam Əməkdaşlıq Təşkilatı və SAM-ın birgə təşkilatçılığı ilə "İslam Əməkdaşlıq Təşkilatının Dağlıq Qarabağ münaqişəsinin həllinə təsiri: keçmiş səylər və gələcək imkanlar" mövzusunda simpozium keçiriləcək.

Simpoziumda "Dağlıq Qarabağ münaqişəsinin həllində İƏT-in rolu: müşahidəçi təşəbbüslərdən fəal iştirakçı roluna" və "Beynəlxalq hüququn özünü doğrultmamasından sonra İƏT üzv dövlətlərinin Dağlıq Qarabağ münaqişəsinin həllinə gələcək tövhələri" mövzularında müzakirələr planlaşdırılır.

Məqalədə:
Xəbər lenti

Xəbər lenti