Bakı. Trend:
İtkin düşən Quba sakini tapılıb.
Bu barədə Trend-ə DİN Mətbuat Xidmətinin Quba regional qrupundan məlumat verilib.
Bildirilir ki, rayonun Möhüc kənd sakini 37 yaşlı ruhi xəstəlikdən əziyyət çəkən Almasov Qəni 18.11.2017-ci il tarixdə saat 16:00 radələrində Quba rayon MRX-nın Poliklinika şöbəsinə gəlmiş lakin çıxdıqdan sonra evə qeri qayıtmayıb.
Bundan narahat olan ailəsi onun tapılması üçün Quba Polis Şöbəsinə müraciət edib.
Polis əməkdaşlarının həyata keçirdikləri təxirəsalınmaz əməliyyat-axtarış tədbirləri nəticəsində həmin şəxs səhər saatlarında şəhər ərazisində tapılaraq ailəsinə təhvil verilib.