...

“Azərbaycan Sənaye Korporasiyası” ASC-də pambıqçılıqla bağlı tədbir keçirilib (FOTO)

Cəmiyyət Materials 21 Dekabr 2019 18:22 (UTC +04:00)
“Azərbaycan Sənaye Korporasiyası” ASC-də Azərbaycan Respublikasının Prezidenti İlham Əliyevin yanında pambıqçılıq mövsümünün yekunları və 2020-ci ildə görüləcək tədbirlər ilə bağlı müşavirəyə həsr olunmuş tədbir keçirilib.
“Azərbaycan Sənaye Korporasiyası” ASC-də pambıqçılıqla bağlı tədbir keçirilib (FOTO)

Bakı. Trend:

"Azərbaycan Sənaye Korporasiyası" ASC-də Azərbaycan Respublikasının Prezidenti İlham Əliyevin yanında pambıqçılıq mövsümünün yekunları və 2020-ci ildə görüləcək tədbirlər ilə bağlı müşavirəyə həsr olunmuş tədbir keçirilib.

"Azərbaycan Sənaye Korporasiyası" ASC-dən Trend-ə verilən məlumata görə, tədbirdə Korporasiya və onun törəmə müəssisəsi olan "Azərpambıq ASK" MMC-nin rəhbər heyəti, eləcə də Pambıq İstehsalı və Emalı Məntəqələrinin, həmçinin Pambıq Emalı Zavodlarının məsul şəxsləri iştirak edib.

Tədbiri giriş sözü ilə açan Korporasiyanın baş direktoru Kamran Nəbizadə bildirib ki, ölkə prezidentinin kənd təsərrüfatının, o cümlədən pambıqçılığın inkişaf etdirilməsi ilə bağlı qəbul etdiyi qərarlar və verdiyi tövsiyələr sayəsində ölkəmizdə bu sahənin sürətli inkişafı üçün əlverişli şərait yaradılıb və ölkə rəhbərliyi tərəfindən göstərilən etimad qarşıya qoyulan vəzifələri layiqincə yerinə yetirmək üçün ən başlıca zəmin olmalıdır. Korporasiyanın rəhbəri onu da vurğulayıb ki, əldə olunan nailiyyətlər ilə yanaşı, həllini gözləyən bir çox problemlər də mövcuddur ki, gələcək inkişaf və hədəflərə nail olmaq bu problemlərin nə dərəcədə düzgün həll olunmasından asılıdır. Bu yönümdə görülən işlər, hədəflər, inkişaf perspektivləri, qarşıda duran vəzifələr və onların icrasına dair atılan addımlardan danışan baş direktor, onu da əlavə edib ki, kadr potensialının gücləndirilməsi, peşəkarlığın artırılması bu sahədə əsas prioritet məsələlərdən biridir və həmin istiqamətdə aparılan tədbirlər daha intensiv olmalıdır.

Tədbir zamanı Korporasiyanın törəmə müəssisəsi olan "Azərpambıq ASK" MMC-də korporativ idarəetmə üsulunun tətbiqi, şəffaf və dolğun uçot sisteminin qurulması, mövcud strukturun yenilənməsi, eləcə də fermerlərlə düzgün iş prinsipi, suvarma suyunun çatışmazlığı, düzgün və yararlı əkin sahələrinin seçilməsi, mineral gübrələr, texniki təminat və intensiv texnologiyaların tətbiqi ilə bağlı məsələlər ətrafında fikir mübadiləsi və müzakirələr aparılıb. Qaldırılan məsələlər müvafiq qurum və struktur bölmələrin məsul şəxsləri tərəfindən cavablandırılıb və mövcud problemlərin həllinə dair Korporasiya rəhbərliyi tərəfindən onlara tapşırıqlar verilib, həmçinin səsləndirilən təkliflər qeydiyyata alınıb.

Məqalədə:
Xəbər lenti

Xəbər lenti