...

Azərbaycandakı ceyranların sayı açıqlanıb (FOTO)

Cəmiyyət 17 Yanvar 2022 11:49 (UTC +04:00)
Azərbaycandakı ceyranların sayı açıqlanıb (FOTO)

Bakı. Fərid Zöhrabov -Trend:

Beynəlxalq ekspertlərin iştirakı ilə ceyran və Şərqi Qafqaz turlarının sayğısı aparılıb.

Trend xəbər verir ki, Respublikanın bölgələrində ceyranların və Şərqi Qafqaz turlarının sayğısı keçirilib. Bunu Bioloji Müxtəlifliyin Qorunması Xidmətinin rəsmisi Arzu Səmədova bildirib.

O qeyd edib ki, Azərbaycan Milli Elmlər Akademiyasının Zoologiya İnstitutunun, Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin əməkdaşlarının, Ümumdünya Təbiəti Mühafizə Fondunun (WWF) Azərbaycan nümayəndəliyinin rəhbərinin iştirakı ilə respublikanın müxtəlif bölgələrində keçirilmiş sayğıda ötən illərdən fərqli olaraq beynəlxalq ekspertlər də iştirak edib.

“Şirvan, Ağgöl, Abşeron milli parkları, Şirvan, Korçay dövlət təbiət qoruqları, Bəndovan, Qax dövlət təbiət yasaqlıqları və onlarla həmsərhəd olan ərazilərdə aparılmış sayğıların nəticəsinə görə, bu ərazilər üzrə ceyran populyasiyasının sayı təxminən 7413 olub”.

A.Səmədovanın sözlərinə görə, Şərqi Qafqaz turlarının populyasiyasının sayı isə Şahdağ Milli Parkı, Zaqatala, İlisu dövlət təbiət qoruqları, Zaqatala, Qax dövlət təbiət yasaqlıqları, Şəki və Babadağ ovçuluq təsərrüfatları, eləcə də bu ərazilərlə həmsərhəd olan sahələrdə aparılmış sayğıların nəticəsinə görə təxminən 6563 müəyyən edilib.

Məqalədə:
Xəbər lenti

Xəbər lenti