...

Azərbaycanda 40-a yaxın kəhriz bərpa ediləcək

Cəmiyyət Materials 26 May 2022 10:35
Azərbaycanda 40-a yaxın kəhriz bərpa ediləcək

Trend-i buradan izləyin

Samir Əli
Samir Əli
Bütün xəbərlər

Bakı. Trend:

Ağdam, Ağcabədi, Bərdə, Füzuli, Gəncə, Qazax, Goranboy və Göygöl rayonlarının ərazisində 40-a yaxın kəhrizin bərpası nəzərdə tutulur.

Trend xəbər verir ki, bunu “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsinə həsr olunmuş beynəlxalq konfransda Qaçqınların və Məcburi Köçkünlərin İşləri Üzrə Dövlət Komitəsinin sədr müavini Fuad Hüseynov deyib.

"Münaqişənin ilk illərində beynəlxalq təşkilatlar qaçqın və məcburi köçkünlərə böyük dəstək göstərib. Bu istiqamətdə BMT təsisatlarının, eləcə də Beynəlxalq Miqrasiya Təşkilatının fəaliyyəti xüsusi ilə diqqətəlayiqdir və onların məcburi köçkünlərlə bağlı fəaliyyəti yüksək qiymətləndirilir. 1999 - cu ildən Beynəlxalq Miqrasiya Təşkilatının müxtəlif donor təşkilatları ilə birgə Azərbaycandakı kəhrizlərin bərpası ilə bağlı layihə hayat keçirilir. Bu günədək, ümumilikdə kəhrizlərin bərpası ilə əlaqədar 10 layihə icra edilib. Beynəlxalq Miqrasiya Təşkilatının Azərbaycan nümayəndəliyinin Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirdiyi "Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafi" layihəsi də bunlardandı. Layihə çərçivəsində məcburi köçkünlərin də sıx maskunlaşdığı Ağdam, Ağcabədi, Bərdə, Füzuli, Gəncə, Qazax, Goranboy və Göygöl rayonlarının ərazisində 40 - a yaxın kəhrizin bərpası nəzərdə tutulur. Layihənin icrası nəticəsində 8 min soydaşımızın, eləcə də məcburi köçkünlərin məskunlaşdığı icmalarda həyat şəraiti və su təminati yaxşılaşdırılacaq" ,- sədr müavini deyib.

Xəbər lenti

Xəbər lenti