Bakı. Trend:
"Şəhid adlarının verilməsi və şəhid ailələrinə edilən güzəştlər haqqında” qanuna dəyişiklik olunmalıdır.
Trend-in məlumatına görə, bunu Milli Məclisin İnsan hüquqları komitəsinin bu gün keçirilən iclasında deputat Elşad Mirbəşir deyib.
Deputat bildirib ki, bununla bağlı təkliflərini Milli Məclisə təqdim edib: “Vətən müharibəsi dövründə hərbi xidmət keçən zaman və yaxud hərbi vəzifəsini yerinə yetirən zaman hər hansı bədbəxt hadisə nəticəsində həyatını itirənlərə də şəhid adı verilsin. Bu mənim təklifimdir və çox həssas məsələdir”, - deputat bildirib.